Høvuðsendamálið við verkætlanini er stovnan og viðlíkahald av einari talgildari ættarbandsskrá fyri allar Føroyar.
Skrásettir eru upplýsingar frá umleið seinastu 200 árunum, ið kunnu verða grundarlag fyri ílegugransking.
Tilfarið í ættarbandsskránni er grundað á keldur úr føroysku kirkjubókunum, fólkateljingum, Landsfólkayvirlitinum v.m.
Arbeiðið byrjaði í 2007 og er fíggjað sum partur av Ílegusavninum.
Tað er Fólkaheilsustýrið, sum umsitur Ættarbandsskránna og viðger umsóknir um at granska í upplýsingum í henni.