Reglur og vegleiðingar í sambandi við avhending av kt-skipanum

Í sambandi við avhending av kt-skipanum og dátum frá kt-skipanum, har avgerð er tikin um, at varðveitingavirði finst, skulu myndugleikarnir avhenda eitt avrit (skjalasavnsútgávu) til Tjóðskjalasavnið.

Hetta skal gerast, áðrenn dátu- og kt-skipanir verða strikaðar, ella tá dátur ikki verða brúktar longur í fyrisitingarligum høpi.

Myndugleikar – sum arbeiða við skjølum, ið eru umfatað av persónsupplýsingarlógini – skulu avhenda skjøl, ið skulu varðveitast, til Tjóðskjalasavnið.

Um so er, at ein myndugleiki sjálvur velur at varðveita skjøl síni, skal hetta gerast í samsvari við reglur um kt-avhending av skjalasavnsútgávum.

Skjalasavnsútgávan skal vera í einum ávísum tekniskum formati, sum er ásett í vegleiðingini í somu reglum. Uttan mun til hvar og hvussu myndugleikin ynskir at varðveita skjøl síni, skal hetta gerast sambært reglunum hjá Tjóðskjalasavinum.

Hetta fylgibrævið skal fyllast út og hjáleggjast við avhending:

Fylgibræv til skjalasavnsútgávu

Sí eisini:

Samband:
Um ivamál ella spurningar eru, ber til at seta seg í samband við Tjóðskjalasavnið fyri at leita sær hjálp og vegleiðing:
Poul Andrias Simonsen
KT-skjalavørður, cand.mag.
Tel: +298 340 535
[email protected]

ella

Tjóðskjalasavnið
Tel: +298 340 540
[email protected]
Mánadag – fríggjadag, kl. 10.00 – 15.00.

Sjúrður Rasmussen, løgfrøðingur, hevur framløgu um føroysku skjalasavnslóggávuna tann 8. mars 2018 á Hotel Føroyum: sí her.

Vegleiðingarnar eru á donskum, tí leisturin, ið Tjóðskjalasavnið brúkar til talgildu skjalasavnsútgávurnar, er mentur á danska Ríkisskjalasavninum.
Vegleiðingarnar eru tær somu, sum verða brúktar til avhending á Ríkisskjalasavninum, tó við smærri tillagingum til føroysk viðurskifti. Talan er um tekniskt mál, ið er trupult at umseta til føroyskt.

Vegleiðingar o.a.: