Skjalfest tína koronatíð

Tjóðskjalasavnið fer undir verkætlan at savna inn tilfar, ið skal skjalfesta koronatíðina.

Í sambandi við at føroyska samfelagið er í eini undantaksstøðu vegna heimsumfatandi farsóttina Covid-19, fer Tjóðskjalasavnið undir verkætlan at savna inn tilfar frá bæði privatfólki og virkjum, ið skal skjalfesta hesa tíð.

Tað hevur sera stóran týdning, at vit standa saman um at skjalfesta koronatíðina, og nú hevur tú møguleikan at vera við til at skriva føroyska søgu.

Send okkum tilfar, ið myndar tín gerandisdag í hesum koronatíðum. Tjóðskjalasavnið hevur áhuga fyri øllum, alt frá broyttum arbeiðslívi til sóttarhald og har ímillum, alt er áhugavert, og vit royna at fáa so breitt tilfar sum gjørligt.

Til ber at senda okkum tilfar gjøgnum hetta leinkið.

Deil hesi tíðindi

Onnur tíðindi

Krígsárini sum stjórnarligt og arkivalskt broytingarskeið í Føroyum

Krígsárini 1940–1945 vóru eitt avgerandi tíðarskeið í føroyskari søgu. Tá sambandið við Danmark varð slitið, og bretska hersetingin broytti politisku og fyrisitingarligu karmarnar, noyddust føroyingar í størri mun at taka ábyrgd av egnum viðurskiftum. Henda greinin lýsir, hvussu seinni heimsbardagi gjørdist eitt týdningarmikið undanstig til heimastýrið og til eina sterkari føroyska skjalafyrisiting.

Les meiri

Ólavsøkan – tá kirkja, ting og fólk savnast

Tá klokkan ringir í Havn á Ólavsøku, og skrúðgongan fer millum Løgtingið og Havnar kirkju, er tað ikki bert ein hátíðarlig sjón í nútíðini. Í hesum siði hoyrist eitt ekkó av øldum, har ting, kirkja, marknaður og fólkalív komu saman í sama staði og á sama degi. Ólavsøkan kann tí sigast, at vera meira enn ein tjóðarhátíð. Hon er eitt livandi samband millum føroyska samtíð og siðvenju, sum hava myndað landið gjøgnum øldir.

Les meiri