Fakbólkur fylgir gongdini í kt-varðveiting í Føroyum

Tjóðskjalasavnið (TSS) hevur nú hildið fyrsta fundin í fylgibólkinum ‘kt-varðveiting’.

Fakbólkur fylgir gongdini í kt-varðveiting í Føroyum

Tjóðskjalasavnið (TSS) hevur nú hildið fyrsta fundin í fylgibólkinum ‘kt-varðveiting’. Í bólkinum eru 16 limir við førleikum og royndum innan kt, skráseting, fyrisiting, løgfrøði og gransking. Bólkurin skal fylgja tilgongdini og verða við at eftirmeta ta strategi, sum Føroyar hava valt á økinum.

Fyrst vórðu limirnir bjóðaðir vælkomnir og heilsaðu uppá starvsfólkini á kt-varðveitingareindini, Poul Andrias Simonsen, Róa Eliasen og Sólbjørg Pedersen.

Hesa ferð varð fyrst og fremst hugt at tøkniligu avbjóðingunum við talgildari varðveiting. Tríggjar stuttar framløgur vórðu hildnar:

  • ‘Styrkir og veikleikar við migratiónsstrategiini’, Poul Andrias Simonsen (TSS)
  • ‘Status viðv. avhendingum frá myndugleikum’, Rói Eliasen (TSS)
  • ‘At framleiða eina skjalasavnsútgávu’, Hans Poulsen (Prisma)’

Eftir sera áhugavert kjak vitjaðu limirnir á goymsluni, har tey sóu ‘Seyðabrævið’ (1298), Løgtingsins yvirlýsing av føroyska Ríkinum (1946), eldri kirkjubøkur, jarðarmøðraprotokollir frá 20. øld osfr..

Næsti fundur verður í 2020, har ljós verður sett á aðrar avbjóðingar í sambandi við kt-varðveiting, og har arbeiðið hjá Tjóðskjalasavninum aftur verður sett undir sjóneyku hjá fakfólkum.

Deil hesi tíðindi:

Facebook
LinkedIn
Teldupost

Onnur tíðindi

Átta nøvn, átta mannalív

Allahalgannadag minnast vit tey, ið andaðist á sjónum. Summi minnast vit sjálvi. Vit minnast eitt andlit, eina rødd ella eina hending. Onnur kenna vit bara úr frásagnum, myndum og nøvnum. Og so eru tey, sum eingin livandi longur minnist.

Tó eru spor eftir teimum.

Eitt navn í einari kirkjubók. Eitt húski í einari fólkateljing. Ein ogn í einum skifti. Smá brot av einum mannalívi, sum varð livað fyri langari tíð síðan.

Í dag, allahalgannadag, venda vit okkum móti einum slíkum broti úr føroyskari søgu.

Les meiri

Altjóða Sálarheilsudagur 10 oktobur 2026

Í 1903 varð ein ung føroysk lærarinna, sum var álvarsliga sálarsjúk, send til viðgerðar á sinnissjúkrahúsið Oringe í Vordingborg í Danmark. Hon kom ongantíð aftur til Føroyar. Eftir meira enn hálva øld á donskum stovnum doyði hon á einum røktarheimi í 1957.
Í dag hevði sjúklingajournal hennara verið ein týdningarmikil kelda til at skilja bæði lív hennara, sjúkuna og tær umstøður, hon livdi undir. Sjúklingajournalirnar vórðu mettar sum donsk skjøl og varðveittar í Danmark sambært danskari skjalasavnslóg. Tí vóru tær eisini fevndar av donskum kassatiónsreglum. Journalin er ikki til longur, tí hon er burturbeind sambært hesum reglum.
Lagnan hjá hesi kvinnu er eitt dømi um, hvussu danskur kassatiónspolitikkur hevur ávirkað føroyska søgu og gransking.

Les meiri