Tjóðskjalasavnið á ICA-ráðstevnu í Australia

ICA, sum er altjóða felagsskapurin fyri skjalasøvn, skipar í hesum døgum fyri ráðstevnu í Adelaide í Australia, við umleið 700 luttakarum.

ICA, sum er altjóða felagsskapurin fyri skjalasøvn, skipar í hesum døgum fyri ráðstevnu í Adelaide í Australia, við umleið 700 luttakarum. Evnið í ár er ‘Designing the Archive’, og snýr seg í stóran mun um, hvussu skjalasøvn framyvir, á skynsaman hátt, kunnu tillaga sítt snið í mun til broytingar í samfelagnum.

Sámal Tróndur F. Johansen, tjóðskjalavørður, luttekur á ráðstevnuni í ár, bæði sum umboð fyri Føroyar á aðalfundinum hjá ICA, og við fyrilestri, um arbeiði við at staðfesta føroyskan mentanararv, sum finst aðra staðni enn í Føroyum. Sámal Tróndur hevur í hesum døgum m.a. havt fund við ICA-forsetan David Fricker, sum eisini er tjóðskjalavørður í Australia.

Deil hesi tíðindi

Onnur tíðindi

Krígsárini sum stjórnarligt og arkivalskt broytingarskeið í Føroyum

Krígsárini 1940–1945 vóru eitt avgerandi tíðarskeið í føroyskari søgu. Tá sambandið við Danmark varð slitið, og bretska hersetingin broytti politisku og fyrisitingarligu karmarnar, noyddust føroyingar í størri mun at taka ábyrgd av egnum viðurskiftum. Henda greinin lýsir, hvussu seinni heimsbardagi gjørdist eitt týdningarmikið undanstig til heimastýrið og til eina sterkari føroyska skjalafyrisiting.

Les meiri

Ólavsøkan – tá kirkja, ting og fólk savnast

Tá klokkan ringir í Havn á Ólavsøku, og skrúðgongan fer millum Løgtingið og Havnar kirkju, er tað ikki bert ein hátíðarlig sjón í nútíðini. Í hesum siði hoyrist eitt ekkó av øldum, har ting, kirkja, marknaður og fólkalív komu saman í sama staði og á sama degi. Ólavsøkan kann tí sigast, at vera meira enn ein tjóðarhátíð. Hon er eitt livandi samband millum føroyska samtíð og siðvenju, sum hava myndað landið gjøgnum øldir.

Les meiri