Á Tjóðskjalasavninum kanst tú leita fram skjøl (arkivalier/records), við upplýsingum um fleiri ymisk fyrisitingarlig, rættarlig og søgulig viðurskifti. Talan er sum heild um óviðgjørd upprunaskjøl. Sí hjálp og vegleiðing.

Tað eru tvey ymisk støð at leita fram skjøl:

1) á heimasíðu okkara, history.fo, har talgildað skjøl/keldur kunnu síggjast

2) á lesistovu okkara, har skjøl (pappírsskjøl) kunnu síggjast.

Skjølini á heimasíðuni eru øll beinleiðis atgongd fyri ein og hvønn, meðan skjølini á lesistovuni kunnu býtast í tveir bólkar:

1) skjøl, ið eru beinleiðis atgongd

2) skjøl, ið ikki eru beinleiðis atgongd, sí meir her.

Um tú sjálv(ur) kemur á lesistovuna, og leitar fram neyðugu savnsskjølini, er tað ókeypis. Á lesistovuni finnast savns- og goymsluyvirlit yvir tey ymisku skjalasøvnini. Vit vegleiða teg sjálvandi á rætta leið, um tørvur er á tí.

Vit kunnu eisini, mótvegis gjaldi, leita fram skjøl fyri teg. Sí prísir.

Eisini ber til at senda fyrispurningar til Tjóðskjalasasavnið. Sí meir her.