Ráðstevna í heyst

Í døgunum 31. august til 2. september 2021 verður ráðstevna hildin í Havn. Talan er um sokallaðu Útnorður Skjalasavnsráðstevnuna (VNAK), sum verður hildin 3. hvørt ár, antin í Føroyum, Íslandi ella Grønlandi. Heiti á ráðstevnuni í ár er ‘Nýggjar avbjóðingar - nýggjar loysnir’, og snýr seg í stóran mun um, hvussu broytingar í samfelagnum ávirka skjalasøvn og vanligu fatanina teimum, hvørjar avbjóðingar hetta hevur við sær, og hvussu skjalasøvnini royna at loysa hesar avbjóðingar. Til ber at lesa nærri um ráðstevnuna her.